1: ໜ້າທີ່ຂອງ ພະແນກ ສະຖິຕິ ແລະ ຂໍ້ມູນຂ່າສານ

1. ປະຕິບັດນະໂຍບາຍ, ຍຸດທະສາດ, ກົດຫມາຍ ແລະ ນິຕິກໍາລຸ່ມກົດຫມາຍຂອງລັດຖະບານ, ກະຊວງ ແລະ ສະຖາບັນ ວາງອອກໃຫ້ໄດ້ຮັບຜົນດີ; 
2. ຫັນເອົາເເຜນການ, ແຜນງານ, ໂຄງການ ຂອງສະຖາບັນມາເປັນຫນ້າວຽກອັນລະອຽດຂອງພະແນກ ພ້ອມທັງຈັດຕັ້ງປະຕິບັດ ໃຫ້ມີປະສິດທິຜົນສູງ; 
3. ສົມທົບກັບ ຫ້ອງການກະຊວງ ສ້າງນິຕິກໍາ, ລະບຽບການ, ຄໍາແນະນໍາ ແລະ ປື້ມຄູ່ມືຕ່າງໆ ເພື່ອເປັນບ່ອນອີງ ຈັດຕັ້ງປະຕິບັດ ທາງດ້ານວິຊາການໃນການພັດທະນາ, ຄຸ້ມຄອງ, ເກັບກໍາ, ສັງລວມຂໍ້ມູນ–ຂ່າວສານ ເຂົ້າໃນ ລະບົບຖານຂໍ້ມູນຊັບພະຍາກອນທໍາມະຊາດ ແລະ ສິ່ງເເວດລ້ອມ; 
4. ສ້າງແຜນການລວມຂອງສະຖາບັນ, ສັງລວມ ການຈັດຕັ້ງປະຕິບັດ ແລະ ຜັນຂະຫຍາຍ ບັນດານະໂຍບາຍ, ຍຸດທະສາດ, ກົດຫມາຍ, ລະບຽບການຕ່າງໆ ທີ່ກະຊວງ ແລະ
   ສະຖາບັນວາງອອກ; 
5. ປະສານສົມທົບກັບບັນດາພະແນກວິຊາການພາຍໃນສະຖາບັນ ສ້າງແຜນການນໍາໃຊ້ງົບປະມານແຫ່ງລັດ, ງົບປະມານຊ່ວຍເຫຼືອ ແລະ ລາຍຮັບວິຊາການ ເພື່ອຮັບໃຊ້ວຽກງານວິຊາການຂອງສະຖາບັນ ພ້ອມທັງຄຸ້ມຄອງ, ສະຫຼຸບລາຍງານ ການນໍາໃຊ້ງົບປະມານຕາມລະບຽບການ; 
6. ຕິດຕາມ, ຊຸກຍູ້, ອໍານວຍຄວາມສະດວກ ແລະ ປະເມີນຜົນການຈັດຕັ້ງປະຕິບັດແຜນງານ, ໂຄງການ ແລະ ການນໍາໃຊ້ງົບປະມານ ຂອງບັນດາພະແນກ ໃນແຕ່ລະໄລຍະ ແລະ ສະຫຼຸບລາຍງານ ຄະນະສະຖາບັນຢ່າງເປັນ ປົກກະຕິ; 
7. ສັງລວມ ແລະ ຄຸ້ມຄອງ ການເກັບກໍາຄ່າທໍານຽມ, ຄ່າບໍລິການລາຍຮັບວິຊາການ ຈາກການບໍລິການວຽກງານ ຄົ້ນຄວ້າ ເເລະ ວິໄຈ ກ່ຽວກັບ ຊັບພະຍາກອນທໍາມະຊາດ ເເລະ ສິ່ງເເວດລ້ອມ ມອບເຂົ້າ ຄັງເງິນແຫ່ງຊາດ; 
8.  ສັງລວມ ເເລະ ສ້າງແຜນການເຄື່ອນໄຫວວຽກຂອງ ສະຖາບັນປະຈໍາເດືອນ, 3 ເດືອນ, 6 ເດືອນ, ປະຈໍາປີ, ແຜນດໍາເນີນງານ 5 ປີ, ແຜນຍຸດທະສາດ ແລະ ວິໄສທັດ ພ້ອມທັງສະຫລຸບລາຍງານ ການຈັດຕັ້ງປະຕິບັດໃນ ແຕ່ລະໄລຍະ ບົນພື້ນຖານການສັງລວມຈາກບົດລາຍງານສະເພາະຂອງ ເເຕ່ລະພະແນກ; 
9. ເປັນໃຈກາງປະສານງານກັບ ກົມຈັດຕັ້ງ ເເລະ ພະນັກງານ ແລະ ບັນດາພະແນກພາຍໃນສະຖາບັນ ໃນວຽກງານ ຄຸ້ມຄອງ, ກໍ່ສ້າງ, ຊັບຊ້ອນ ພະນັກງານ–ລັດຖະກອນ, ຂຶ້ນແຜນກໍານົດຕໍາແຫນ່ງງານ, ການສົ່ງເສີມບົດບາດຍິງ– ຊາຍ, ການປະຕິບັດນະໂຍບາຍເລື່ອນຊັ້ນ, ເລື່ອນຂັ້ນ, ຍ້ອງຍໍ ຫລື ປະຕິບັດວິໄນຕໍ່ພະນັກງານ–ລັດຖະກອນ ຂອງສະຖາບັນ ຕາມລະບຽບທີ່ກໍານົດ ລວມທັງການຄົ້ນຄວ້ານໍາສະເຫນີຂັ້ນເທິງພິຈາລະນາປັບປຸງກົງຈັກການຈັດຕັ້ງ;
10. ເກັບກໍາສະຖິຕິພະນັກງານ ສ້າງເປັນຖານຂໍ້ມູນພາຍໃນສະຖາບັນ ແລະ ປະສານສົມທົບ ກັບບັນດາພະແນກ ດໍາເນີນການປະເມີນຜົນ ການຈັດຕັ້ງປະຕິບັດວຽກງານຂອງ ພະນັກງານ–ລັດຖະກອນປະຈໍາປີ;
11. ສົມທົບກັບກົມແຜນການ ເເລະ ການເງິນ ເເລະ ບັນດາພະແນກພາຍໃນສະຖາບັນ ໃນການສ້າງແຜນການຮ່ວມມື ທັງ ພາຍໃນ, ຕ່າງປະເທດ ເເລະ ອົງການຈັດຕັ້ງສາກົນຕ່າງໆ ເພື່ອຂົນຂວາຍການສະຫນັບສະຫນູນດ້ານເຕັກນິກ–ວິຊາການ ເເລະ ງົບປະມານ ເພື່ອເຄື່ອນໄຫວວຽກງານວິຊາການຕາມການມອບຫມາຍ ເເລະ ເຫັນດີຂອງຂັ້ນເທິງ;
12.  ເປັນເຈົ້າການໃນການຈັດກອງປະຊຸມເຜີຍແຜ່ຜົນການຄົ້ນຄວ້າວິໄຈດ້ານວິຊາການ, ການສໍາມະນາ, ການຝຶກ ອົບຮົມກ່ຽວກັບວຽກງານ ສະຖິຕິ ແລະ ຂໍ້ມູນ–ຂ່າວສານ ຊສ; 
13. ສ້າງ ແລະ ຄຸ້ມຄອງຖານຂໍ້ມູນ ສັງລວມຜົນການຄົ້ນຄວ້າວິໄຈດ້ານວິຊາການຂອງສະຖາບັນ ເເລະ ເປັນໃຈກາງ ໃຫ້ບໍລິການດ້ານຂໍ້ມູນໃຫ້ແກ່ພາກສ່ວນຕ່າງໆ ຊຸກຍູ້ບັນດາພະແນກວິຊາການສ້າງບົດຄົ້ນຄວ້າວິໄຈ ເພື່ອເຜີຍແຜ່ໃຫ້ສັງຄົມຮັບຊາບ; 
14. ກໍານົດຕົວຊີ້ບອກ, ສໍາຫຼວດສ້າງບັນຊີ ຊັບພະຍາກອນທໍາມະຊາດ ແລະ ສິ່ງແວດລ້ອມເພື່ອຮັບໃຊ້ເຂົ້າໃນການ ຈັດຕັ້ງປະຕິບັດແຜນພັດທະນາເສດຖະກິດ–ສັງຄົມ ແລະ ເຊື່ອມສານເຂົ້າໃນເປົ້າຫມາຍການພັດທະນາ ແບບ ຍືນຍົງ ຕິດພັນກັບຂະແຫນງການຊັບພະຍາກອນທໍາມະຊາດ ເເລະ ສິ່ງເເວດລ້ອມ; 
15. ເປັນໃຈກາງໃນການເກັບກໍາ, ສັງລວມ, ປຸງແຕ່ງ, ວິໄຈ ແລະ ວິເຄາະຕາມຂະບວນການວິທະຍາສາດ ດ້ານສະຖິຕິ ເເລະ ຂໍ້ມູນຂ່າວສານ ຊສ; 
16. ພັດທະນາ ແລະ ຄຸ້ມຄອງຖານຂໍ້ມູນ (ສະຖິຕິ ຊສ) ແຕ່ລະຂົງເຂດເຊັ່ນ: ທີ່ດິນ, ຊັບພະຍາກອນນໍ້າ, ອຸຕຸນິ ຍົມ–ອຸທົກກະສາດ, ປ່າໄມ້ ແລະ ຊີວະນາໆພັນ, ທໍລະນີສາດ–ແຮ່ທາດ ແລະ ສິ່ງເເວດລ້ອມ ແລະ ການປ່ຽນ ແປງດິນຟ້າອາກາດ ເພື່ອລວບລວມຢູ່ໃນລະບົບຖານຂໍ້ມູນດຽວ; 
17. ສ້າງສໍານວນ, ສໍາເນົາ, ຢັ້ງຢືນຄວາມຖືກຕ້ອງ, ເຜີຍແຜ່ ແລະ ບໍລິການສະຖິຕິ ແລະ ຂໍ້ມູນຂ່າວສານ ອອກສູ່ ສັງຄົມຢ່າງກ້ວາງຂວາງ ແລະ ທົ່ວເຖິງໃນຂອບເຂດທົ່ວປະເທດ; ເກັບຮັກສາ, ປ້ອງກັນ ແລະ ປັບປຸງ–ແກ້ໄຂໃນ ເເຕ່ລະໄລຍະ ໃຫ້ສາມາດແລກປ່ຽນ ແລະ ເຊື່ອມໂຍງເຄືອຂ່າຍສະຖິຕິ ແລະ ຂໍ້ມູນ–ຂ່າວສານ ຊັບພະຍາກອນ ທໍາມະຊາດ ແລະ ສິ່ງເເວດລ້ອມ ໃນຂອບເຂດທົ່ວປະເທດ; 
18. ຄຸ້ມຄອງ ແລະ ພັດທະນາຫ້ອງສະຫມຸດ ໃຫ້ເປັນລະບົບເອເລັກໂຕຼນິກທີ່ທັສະໄຫມ; 
19. ປະສານສົມທົບກັບກົມ, ກອງ ພາຍໃນ ກຊສ ເເລະ ພາກສ່ວນທີ່ກ່ຽວຂ້ອງ ຂັ້ນສູນກາງ ເເລະ ທ້ອງຖິ່ນ ໃນວຽກງານເກັບກໍາສະຖິຕິ ເເລະ ຂໍ້ມູນ–ຂ່າວສານ; 
20. ຕິດຕາມການປະຕິບັດສິດ, ຫນ້າທີ່ ແລະ ຄວາມຮັບຜິດຊອບ ຂອງພະນັກງານ–ລັດຖະກອນ ທີ່ຂຶ້ນກັບສິດຄຸ້ມ ຄອງຂອງພະແນກຕົນ ເພື່ອສະກັດກັ້ນປະກົດການລະເມີດມະຕິ, ຄໍາສັ່ງ, ກົດຫມາຍ ແລະ ລະບຽບການຕ່າງໆ ຂອງລັດ; 
21. ຄຸ້ມຄອງຊັບສິນຂອງລັດ ເເລະ ຈໍລະຈອນແຈກຢາຍເອກະສານ ຂາເຂົ້າ–ຂາອອກຕ່າງໆ ຂອງແຕ່ລະພະແນກພ້ອມ ທັງສ້າງເເຜນການ, ງົບປະມານ ເເລະ ສະຫຼຸບລາຍງານການເຄື່ອນໄຫວວຽກງານ ຕໍ່ຫົວຫນ້າສະຖາບັນ ໃນເເຕ່ລະໄລຍະ;
22. ຄຸ້ມຄອງ, ກວດກາ, ບູລະນະຮັກສາການນໍາໃຊ້ພາຫະນະ, ອຸປະກອນ, ຊັບສິນ, ເອກະສານ ຂອງສະຖາບັນ ແລະ ພະແນກຕົນ ພ້ອມທັງຂຶ້ນແຜນການ ແລະ ງົບປະມານ ແລະ ສະຫຼຸບລາຍງານຕາມແຕ່ລະໄລຍະ;
23. ປະຕິບັດຫນ້າທີ່ອື່ນໆ ຕາມທີ່ໄດ້ກໍານົດໄວ້ໃນກົດຫມາຍ, ລະບຽບການ ແລະ ຕາມການມອບຫມາຍຂອງຫົວຫນ້າ ສະຖາບັນ. 

2: ໜ້າທີ່ຂອງ ພະແນກຄົ້ນຄ້ວາ ຊັບພະຍາກອນທຳມະຊາດ ແລະ ສິ່ງແວດລ້ອມ

1. ປະຕິບັດນະໂຍບາຍ, ຍຸດທະສາດ, ກົດຫມາຍ ແລະ ນິຕິກໍາລຸ່ມກົດຫມາຍຂອງລັດຖະບານ, ກະຊວງ ແລະ ສະຖາບັນ ວາງອອກໃຫ້ໄດ້ຮັບຜົນດີ; 
2. ຫັນເອົາແຜນການ, ແຜນງານ, ໂຄງການ ຂອງສະຖາບັນມາເປັນຫນ້າວຽກອັນລະອຽດຂອງພະແນກ ພ້ອມທັງຈັດຕັ້ງປະຕິບັດ ໃຫ້ມີປະສິດທິຜົນສູງ; 
3. ສໍາຫຼວດ, ເກັບກໍາ ແລະ ສັງລວມຂໍ້ມູນ ເພື່ອຮັບໃຊ້ວຽກງານຄົ້ນຄວ້ານິເວດ ແລະ ສິ່ງແວດລ້ອມ ແລະ ການສ້າງຖານຂໍ້ມູນຂອງສະຖາບັນ; 
4. ຄົ້ນຄວ້າເຕັກໂນໂລຊີທີ່ເຫມາະສົມ ແລະ ເປັນມິດຕໍ່ສິ່ງແວດລ້ອມ ເພື່ອແນໃສ່ສົ່ງເສີມຄຸນນະພາບສິ່ງແວດລ້ອມ, ການນໍາໃຊ້ຊັບພະຍາກອນທໍາມະຊາດ ທີ່ມີປະສິດທິຜົນ ແລະ ການຜະລິດທີ່ຍືນຍົງ; 
5. ຄົ້ນຄວ້າຜົນກະທົບຂອງມົນລະພິດຕໍ່ສິ່ງແວດລ້ອມ ແລະ ສັງຄົມ: ມົນລະພິດທາງອາກາດ, ນໍ້າ ເເລະ ສິ່ງເສດເຫຼືອ;
6. ຄົ້ນຄວ້າການປັບຕົວ ເເລະ ຫຼຸດຜ່ອນຜົນກະທົບຈາກການປ່ຽນແປງດິນຟ້າອາກາດ; 
7. ຄົ້ນຄວ້າ ແລະ ກວດຜ່ານດ້ານເຕັກນິກວິຊາການ ບົດປະເມີນຜົນກະທົບຕໍ່ສິ່ງແວດລ້ອມຂອງໂຄງການຕ່າງໆ;
8. ຄົ້ນຄວ້າຄວາມອຸດົມສົມບູນ ຂອງລະບົບນິເວດວິທະຍາ ແລະ ພູມປັນຍາພື້ນບ້ານ ທີ່ເປັນທ່າແຮງໃຫ້ແກ່ການພັດທະນາເສດຖະກິດ ເເລະ ສັງຄົມ; 
9. ຕິດຕາມການປະຕິບັດສິດ, ຫນ້າທີ່ ເເລະ ຄວາມຮັບຜິດຊອບ ຂອງພະນັກງານ–ລັດຖະກອນ ທີ່ຂຶ້ນກັບສິດຄຸ້ມຄອງ ຂອງພະແນກຕົນ ເພື່ອສະກັດກັ້ນ ປະກົດການລະເມີດມະຕິ, ຄໍາສັ່ງ, ກົດຫມາຍ ແລະ ລະບຽບການຕ່າງໆຂອງລັດ;
10. ຄຸ້ມຄອງຊັບສິນຂອງລັດ ແລະ ເອກະສານຕ່າງໆ ຂອງພະແນກ ພ້ອມທັງສ້າງແຜນການ, ງົບປະມານ ແລະ ສະຫຼຸບລາຍງານ ການເຄື່ອນໄຫວວຽກງານ ຕໍ່ຫົວຫນ້າສະຖາບັນ ໃນແຕ່ລະໄລຍະ; 
11. ປະຕິບັດຫນ້າທີ່ອື່ນໆ ຕາມທີ່ໄດ້ກໍານົດໄວ້ໃນກົດຫມາຍ, ລະບຽບການ ແລະ ຕາມການມອບຫມາຍຂອງຫົວຫນ້າສະຖາບັນ. 

3: ໜ້າທີ່ຂອງ ພະແນກແບບ​ຈຳ​ລອງ

1. ປະຕິບັດນະໂຍບາຍ, ຍຸດທະສາດ, ກົດຫມາຍ ແລະ ນິຕິກໍາລຸ່ມກົດຫມາຍຂອງລັດຖະບານ, ກະຊວງ ເເລະ ສະຖາບັນ ວາງອອກໃຫ້ໄດ້ຮັບຜົນດີ; 
2. ຫັນເອົາແຜນການ, ແຜນງານ, ໂຄງການ ຂອງສະຖາບັນມາເປັນຫນ້າວຽກອັນລະອຽດຂອງພະແນກ ພ້ອມທັງຈັດຕັ້ງປະຕິບັດ ໃຫ້ມີປະສິດທິຜົນສູງ; 
3. ສໍາຫຼວດ, ເກັບກໍາ ແລະ ສັງລວມຂໍ້ມູນ ເພື່ອຮັບໃຊ້ວຽກງານແບບຈໍາລອງ, ການວິເຄາະຊັບພະຍາກອນນໍ້າ, ອາກາດ ເເລະ ຖານຂໍ້ມູນ ຂອງສະຖາບັນ; 
4. ນໍາໃຊ້ແບບຈໍາລອງອຸທົກກະສາດ ໃນການປະເມີນປະລິມານນໍ້າທີ່ມີໃນອ່າງຮັບນໍ້າ, ຜົນກະທົບຂອງການປ່ຽນແປງສະພາບອາກາດ, ການນໍາໃຊ້ທີ່ດິນຕໍ່ອຸທົກກະສາດ; 
5. ນໍາໃຊ້ແບບຈໍາລອງການນໍາໃຊ້ນໍ້າ ໃນການປະເມີນການນໍາໃຊ້ນໍ້າຂອງຂະແຫນງການ ແລະ ຄວາມຕ້ອງການນໍ້າໃນອະນາຄົດ, ປະເມີນຜົນກະທົບຂອງແຜນພັດທະນາຕ່າງໆຂອງຂະແຫນງການ ຕໍ່ອຸທົກກະສາດ; 
6. ນໍາໃຊ້ແບບຈໍາລອງຊົນລະສາດ ໃນການປະເມີນຄວາມສ່ຽງໄພນໍ້າຖ້ວມ, ຈໍາລອງແນວທາງໃນການປ້ອງກັນ ເເລະ ຫຼຸດຜ່ອນໄພນໍ້າຖ້ວມ, ສ້າງແຜນທີ່ໄພນໍ້າຖ້ວມ; 
7. ນໍາໃຊ້ແບບຈໍາລອງນໍ້າໃຕ້ດິນ ໃນການປະເມີນລະດັບນໍ້າ, ທິດທາງການໄຫລຂອງນໍ້າໃຕ້ດິນ ແລະ ປະເມີນຜົນກະທົບຂອງແຜນການນໍາໃຊ້ນໍ້າ, ການປ່ຽນແປງສະພາບອາກາດຕໍ່ນໍ້າໃຕ້ດິນ; 
8. ນໍາໃຊ້ແບບຈໍາລອງໃນການປະເມີນການແຜ່ກະຈາຍຂອງມົນລະພິດທາງນໍ້າ, ອາກາດ ເເລະ ອື່ນໆ; 
9. ຄົ້ນຄວ້າ ແລະ ປະເມີນຊັບພະຍາກອນນໍ້າຫນ້າດິນ, ນໍ້າໃຕ້ດິນ, ຄຸນນະພາບນໍ້າ ເເລະ ອາກາດ, ໄພນໍ້າຖ້ວມ ເເລະ ອື່ນໆ;
10. ໃຫ້ການບໍລິການດ້ານວິຊາການ ເເລະ ເຜີຍເເຜ່ຜົນສໍາເລັດຂອງການຄົ້ນຄວ້າ ແລະ ພັດທະນາເເບບຈໍາລອງ;
11. ດໍາເນີນການວິເຄາະ, ນໍາໃຊ້ແບບຈໍາລອງ ເເລະ ພັດທະນາລະບົບການວິເຄາະຕ່າງໆ ໂດຍປະສານສົມທົບກັບພາກສ່ວນທີ່ກ່ຽວຂ້ອງ; 
12. ເປັນເຈົ້າການໃນການຈັດກອງປະຊຸມເຜີຍແຜ່ຜົນການຄົ້ນຄວ້າວິໄຈດ້ານວິຊາການ, ການສໍາມະນາ, ການຝຶກອົບຮົມກ່ຽວກັບການສ້າງແບບຈໍາລອງທາງໄກ ແລະ ລະບົບຂໍ້ມູນ-ຂ່າວສານພູມສາດ; 
13. ຕິດຕາມການປະຕິບັດສິດ, ຫນ້າທີ່ ແລະ ຄວາມຮັບຜິດຊອບ ຂອງພະນັກງານ-ລັດຖະກອນ ທີ່ຂຶ້ນກັບສິດຄຸ້ມຄອງ ຂອງພະແນກຕົນ ເພື່ອສະກັດກັ້ນ ປະກົດການລະເມີດມະຕິ, ຄໍາສັ່ງ, ກົດຫມາຍ ເເລະ ລະບຽບການຕ່າງໆຂອງລັດ;
14. ຄຸ້ມຄອງຊັບສິນຂອງລັດ ເເລະ ເອກະສານຕ່າງໆ ຂອງພະແນກ ພ້ອມທັງສ້າງແຜນການ, ງົບປະມານ ແລະ ສະຫຼຸບລາຍງານການເຄື່ອນໄຫວວຽກງານ ຕໍ່ຫົວຫນ້າສະຖາບັນ ໃນແຕ່ລະໄລຍະ; 
15. ປະຕິບັດຫນ້າທີ່ອື່ນໆ ຕາມທີ່ໄດ້ກໍານົດໄວ້ໃນກົດຫມາຍ, ລະບຽບການ ເເລະ ຕາມການມອບຫມາຍຂອງຫົວຫນ້າສະຖາບັນ. 

4: ໜ້າທີ່ຂອງ ພະແນກສຶບຢັ່ງທາງໄກ ແລະ ແຜນທີ່

1. ປະຕິບັດນະໂຍບາຍ, ຍຸດທະສາດ, ກົດຫມາຍ ເເລະ ນິຕິກໍາລຸ່ມກົດຫມາຍຂອງລັດຖະບານ, ກະຊວງ ເເລະ ສະ ຖາບັນ ວາງອອກໃຫ້ໄດ້ຮັບຜົນດີ; 
2. ຫັນເອົາເເຜນການ, ແຜນງານ, ໂຄງການ ຂອງສະຖາບັນມາເປັນຫນ້າວຽກອັນລະອຽດຂອງພະແນກ ພ້ອມທັງຈັດຕັ້ງປະຕິບັດ ໃຫ້ມີປະສິດທິຜົນສູງ; 
3. ເກັບກໍາ, ສັງລວມ, ວິເຄາະ ເເລະ ປຸງແຕ່ງພາບຖ່າຍດາວທຽມຕ່າງໆ ແລະ ພາບຖ່າຍທາງອາກາດ ຕາມຂັ້ນຕອນ ແລະ ຂະບວນການທາງດ້ານເຕັກນິກວິທະຍາສາດ ດ້ວຍຫຼັກການເຕັກໂນໂລຊີ ສືບຢັ່ງທາງໄກ (ເຕັກໂນໂລຊີ ພາບຖ່າຍດາວທຽມ ແລະ ເຄື່ອງບິນບໍ່ມີຄົນຂັບ); 
4. ກໍານົດບັນດາຕົວວັດແທກຕ່າງໆ ເພື່ອໃຊ້ສະແດງຂໍ້ມູນພື້ນທີ່ທາງພູມສາດ (Geospatial Data) ທີ່ໄດ້ຈາກ ເຕັກໂນໂລຊີພາບຖ່າຍດາວທຽມ ເພື່ອນໍາໄປໃຊ້ໃນການຈັດຕັ້ງປະຕິບັດ ແຜນພັດທະນາເສດຖະກິດ-ສັງຄົມ ທີ່ ຕິດພັນກັບເປົ້າຫມາຍການພັດທະນາແບບຍືນຍົງ (SDGs) ຂອງວຽກງານຊັບພະຍາກອນທໍາມະຊາດ ແລະ ສິ່ງແວດລ້ອມ, ການຫຼຸດຜ່ອນຄວາມສ່ຽງໄພພິບັດທໍາມະຊາດ ແລະ ການປ່ຽນແປງດິນຟ້າອາກາດ; 
5. ນໍາໃຊ້ເຄື່ອງມືເຕັກໂນໂລຊີສືບຢັ່ງທາງໄກ, ລະບົບຂໍ້ມູນ-ຂ່າວສານພູມສາດ ແລະ ເຄື່ອງມືການສໍາຫຼວດລະບົບ RTK ເຂົ້າໃນການສໍາຫຼວດ, ເກັບກໍາ ແລະ ສັງລວມຂໍ້ມູນ-ຂ່າວສານ ທາງພູມສາດ ໃນຂົງເຂດຊັບພະຍາ ກອນທໍາມະຊາດ ເເລະ ສິ່ງເເວດລ້ອມ ເຂົ້າໃນລະບົບແຜນທີ່ດຽວ; 
6. ສ້າງແຜນທີ່ວຽກງານສະເພາະ ກ່ຽວກັບ ຊັບພະຍາກອນທໍາມະຊາດ ເເລະ ສິ່ງເເວດລ້ອມ, ໄພພິບັດທໍາມະຊາດ ແລະ ການປ່ຽນແປງດິນຟ້າອາກາດ ເຊັ່ນ: ດິນ, ນໍ້າ, ປ່າໄມ້, ອາກາດ, ແຮ່ທາດ, ນໍ້າຖ້ວມ ແລະ ອື່ນໆ;
7. ພັດທະນາ ແລະ ຄຸ້ມຄອງ ລະບົບຖານຂໍ້ມູນພື້ນທີ່ທາງພູມສາດ (Geospatial Server System) ຂອງ ຂະແຫນງການ ຊສ, ຂໍ້ມູນໄພພິບັດທໍາມະຊາດ ແລະ ການປ່ຽນແປງດິນຟ້າອາກາດ, ພ້ອມກັບການສ້າງສໍາ ນວນ-ສໍາເນົາ ຂໍ້ມູນພື້ນທີ່ທາງພູມສາດ (Geospatial Metadata) ຂອງລະບົບຖານຂໍ້ມູນພື້ນທີ່ທາງພູມ ສາດ (Geospatial System); 
8. ສົມທົບກັບຫ້ອງການກະຊວງ ຄົ້ນຄວ້າ, ສ້າງຄູ່ມື, ລະບຽບການຕ່າງໆ ໃນການນໍາໃຊ້ເຕັກໂນໂລຊີສືບຢັ່ງທາງໄກ (Remote Sensing), ລະບົບຂໍ້ມູນ-ຂ່າວສານພູມສາດ (Geographic Information System) ແລະ ເຕັກນິກການສໍາຫຼວດລະບົບ RTK; 
9. ເປັນເຈົ້າການໃນການຈັດກອງປະຊຸມເຜີຍແຜ່ຜົນການຄົ້ນຄວ້າວິໄຈດ້ານວິຊາການ, ການສໍາມະນາ, ການຝຶກ ອົບຮົມກ່ຽວກັບວຽກງານການຄຸ້ມຄອງນໍາໃຊ້ລະບົບເຕັກໂນໂລຊີ ສືບຢັ່ງທາງໄກ ແລະ ລະບົບຂໍ້ມູນ-ຂ່າວສານພູມສາດ; 
10. ຕິດຕາມການປະຕິບັດສິດ, ຫນ້າທີ່ ແລະ ຄວາມຮັບຜິດຊອບ ຂອງພະນັກງານ-ລັດຖະກອນ ທີ່ຂຶ້ນກັບສິດຄຸ້ມ ຄອງຂອງພະແນກຕົນ ເພື່ອສະກັດກັ້ນ ປະກົດການລະເມີດມະຕິ, ຄໍາສັ່ງ, ກົດຫມາຍ ແລະ ລະບຽບການຕ່າງໆ ຂອງລັດ; 
11. ຄຸ້ມຄອງຊັບສິນຂອງລັດ ແລະ ເອກະສານຕ່າງໆ ຂອງພະແນກ ພ້ອມທັງສ້າງແຜນການ, ງົບປະມານ ແລະ ສະຫຼຸບລາຍງານ ການເຄື່ອນໄຫວວຽກງານ ຕໍ່ຫົວຫນ້າສະຖາບັນ ໃນແຕ່ລະໄລຍະ; 
12. ປະຕິບັດຫນ້າທີ່ອື່ນ ຕາມທີ່ໄດ້ກໍານົດໄວ້ໃນກົດຫມາຍ, ລະບຽບການ ແລະ ຕາມການມອບຫມາຍຂອງຫົວຫນ້າສະຖາບັນ. 

5: ໜ້າທີ່ຂອງ ຫ້ອງທົດລອງສິ່ງແວດລ້ອມ

1. ປະຕິບັດນະໂຍບາຍ, ຍຸດທະສາດ, ກົດຫມາຍ ເເລະ ນິຕິກໍາລຸ່ມກົດຫມາຍຂອງລັດຖະບານ, ກະຊວງ ແລະ ສະຖາບັນ ວາງອອກໃຫ້ໄດ້ຮັບຜົນດີ; 
2. ຫັນເອົາແຜນການ, ແຜນງານ, ໂຄງການ ຂອງສະຖາບັນມາເປັນຫນ້າວຽກອັນລະອຽດຂອງພະແນກ ພ້ອມທັງຈັດຕັ້ງປະຕິບັດ ໃຫ້ມີປະສິດທິຜົນສູງ; 
3. ສໍາຫຼວດ, ເກັບກໍາ ແລະ ສັງລວມຂໍ້ມູນ ເພື່ອຮັບໃຊ້ວຽກຕິດຕາມ ແລະ ວິໄຈຄຸນນະພາບດິນ, ນໍ້າ ແລະ ສິ່ງທີ່ມີຊີວິດຢູ່ໃນນໍ້າ, ອາກາດ, ສຽງ, ການສັ່ນສະເທືອນ, ສິ່ງເສດເຫຼືອ, ສານເຄມີ; 
4. ສ້າງລະບົບການຕິດຕາມວິໄຈ ແລະ ຫ້ອງທົດລອງສິ່ງແວດລ້ອມ ເພື່ອຕິດຕາມຄຸນນະພາບດິນ, ນໍ້າ ແລະ ສິ່ງ ທີ່ມີຊີວິດໃນນໍ້າ, ອາກາດ, ສຽງ, ການສັ່ນສະເທືອນ, ສິ່ງເສດເຫຼືອ, ສານເຄມີ ແລະ ອື່ນໆ ໃນຂອບເຂດທົ່ວປະເທດ; 
5. ກວດສອບ, ຢັ້ງຢືນຄຸນນະພາບ ເເລະ ຄວາມຊັດເຈນຂອງຫ້ອງທົດລອງສິ່ງແວດລ້ອມ ທັງພາກລັດ ແລະ ເອກະຊົນໃນຂອບເຂດທົ່ວປະເທດ; 
6. ຄົ້ນຄວ້າ ເເລະ ນໍາສະເຫນີ ການອອກໃບອະນຸຍາດດໍາເນີນທຸລະກິດກ່ຽວກັບຫ້ອງທົດລອງສິ່ງແວດລ້ອມ ໃນຂອບເຂດທົ່ວປະເທດ; 
7. ສົມທົບກັບຫ້ອງການກະຊວງ ຄົ້ນຄວ້າ, ພັດທະນາຄູ່ມື ແລະ ເອກະສານທີ່ກ່ຽວຂ້ອງກັບການນໍາໃຊ້ເຄື່ອງມື, ວິທີການເກັບ ແລະ ການວິໄຈຄຸນນະພາບດິນ, ນໍ້າ ແລະ ສິ່ງທີ່ມີຊີວິດໃນນໍ້າ, ອາກາດ, ສຽງ, ການສັ່ນ ສະເທືອນ, ສານເຄມີ, ການຄຸ້ມຄອງ ແລະ ພັດທະນາລະບົບມາດຕະຖານ ISO/IEC 17025;
8. ຕິດຕາມ ແລະ ວິໄຈຄຸນນະພາບສິ່ງແວດລ້ອມ: ດິນ, ນໍ້າ ແລະ ສິ່ງທີ່ມີຊີວິດໃນນໍ້າ, ອາກາດ, ສຽງ, ການສັ່ນສະເທືອນ, ສິ່ງເສດເຫຼືອ, ສານເຄມີ, ຝົນກົດ ເເລະ ບົດລາຍງານການຕິດຕາມເປັນແຕ່ລະໄລຍະ;
9. ເຂົ້າຮ່ວມໃນການຕິດຕາມກວດກາ ບັນຫາຜົນກະທົບຕໍ່ສິ່ງແວດລ້ອມ ໃນກໍລະນີສຸກເສີນ;
10. ໃຫ້ການບໍລິການທາງດ້ານວິຊາການໃນການຕິດຕາມ, ການນໍາໃຊ້ເຄື່ອງມື, ການເກັບຕົວຢ່າງ ແລະ ການວິໄຈຄຸນນະພາບດິນ, ນໍ້າ ເເລະ ສິ່ງທີ່ມີຊີວິດໃນນໍ້າ, ອາກາດ, ສຽງ, ການສັ່ນສະເທືອນ, ສິ່ງເສດເຫຼືອ, ສານເຄມີ;
11. ຊຸກຍູ້ການປະຕິບັດຫນ້າທີ່ວິຊາສະເພາະ ຂອງຂະແຫນງສາຍຕັ້ງຂັ້ນທ້ອງຖິ່ນ ໃນການປັບປຸງຫ້ອງທົດລອງ ແລະ ສ້າງຄວາມອາດສາມາດຕິດຕາມວິໄຈ, ການນໍາໃຊ້ເຄື່ອງມື, ການເກັບຕົວຢ່າງ ແລະ ການວິໄຈຄຸນນະພາບ ດິນ, ນໍ້າ ແລະ ສິ່ງທີ່ມີຊີວິດໃນນໍ້າ, ອາກາດ, ສຽງ, ການສັ່ນສະເທືອນ, ສິ່ງເສດເຫຼືອ, ສານເຄມີ; 
12. ເປັນເຈົ້າການໃນການຈັດກອງປະຊຸມເຜີຍແຜ່ຜົນການຄົ້ນຄວ້າວິໄຈດ້ານວິຊາການ, ການສໍາມະນາ, ການຝຶກ ອົບຮົມ ກ່ຽວກັບ ວຽກງານ ການຕິດຕາມ ເເລະ ວິໄຈ ຄຸນນະພາບສິ່ງແວດລ້ອມ; 
13. ຕິດຕາມການປະຕິບັດສິດ, ຫນ້າທີ່ ເເລະ ຄວາມຮັບຜິດຊອບ ຂອງພະນັກງານ-ລັດຖະກອນ ທີ່ຂຶ້ນກັບສິດຄຸ້ມ ຄອງຂອງຫ້ອງທົດລອງ ເພື່ອສະກັດກັ້ນ ປະກົດການລະເມີດມະຕິ, ຄໍາສັ່ງ, ກົດຫມາຍ ແລະ ລະບຽບການ ຕ່າງໆຂອງລັດ; 
14. ຄຸ້ມຄອງຊັບສິນຂອງລັດ ແລະ ເອກະສານຕ່າງໆ ຂອງຫ້ອງທົດລອງ ພ້ອມທັງສ້າງແຜນການ, ງົບປະມານ ເເລະ ສະຫຼຸບລາຍງານ ການເຄື່ອນໄຫວວຽກງານ ຕໍ່ຫົວຫນ້າສະຖາບັນ ໃນແຕ່ລະໄລຍະ; 
15. ປະຕິບັດຫນ້າທີ່ອື່ນໆ ຕາມທີ່ໄດ້ກໍານົດໄວ້ໃນກົດຫມາຍ, ລະບຽບການ ແລະ ຕາມການມອບຫມາຍຂອງຫົວຫນ້າສະຖາບັນ.