ຈາກຂໍ້ມູນຈາກສູນຊ່ຽວຊານດ້ານອຸຕຸນິຍົມວິທະຍາຂອງ ປະເທດສິ່ງກະໂປ Asian Specialist Metrological Centre (ASMC) ທັງເປັນຈຸດສູນກາງປະສານຂອງອາຊຽນໃນການເຝົ້າລະວັງເລືອງໝອກຄວັນຂ້າມຜ່ານຊາຍແດນ ໄດ້ລາຍງານວ່າສະພາບອາກາດຍັງຄົງແຫ້ງໃນເຂດອະນຸພາກພື້ນແມ່ນໍ້າຂອງໃນປະຈຸບັນ
ການແຈກຍາຍຂອງຈຸດເກີດຄວາມຮ້ອນ(hotspot) ໄດ້ຖືກກວດພົບຈຸດເກີດຄວາມຮ້ອນ ຫຼາຍກ່ວາໝູ່ແມ່ນ ປະເທດກຳປູເຈຍ ແລະ ຈຸດເກີດຄວາມຮ້ອນ(hotspot) ແຈກຍາຍນບັນດາປະເທດ ພາກພື້ນແມ່ນ້ຳຂອງ ສັງເກດເຫັນໄດ້ວ່າໝອກຄວັນສ່ວນໜຶ່ງໄດ້ເກີດຂື້ນທີ່ປະເທດກຳປູເຈ່ຍ ໝອກຄວັນບາງສ່ວນໄດ້ຖືກລົມພັດຜ່ານໄປທາງພາກຕາເວັນອອກ ແລະ ພາກຕາເວັນອອກສຽງເໜືອ ຂອງປະເທດໄທ. ສະພາບອາກາດທີ່ມີໝອກປົກຫຸ້ມຂອບຄຸມເປັນບໍລິເວນກວ້າງສັງເກດເຫັນ ໂດຍສະເພາະໃນເຂດພາກເໜືອ, ພາກຕາເວັນອອກສຽງເໜືອ ແລະ ພາກກາງຂອງປະເທດໄທ, ເຊິ່ງສະພາບອາກາດບໍ່ດີມີລາຍງານຢູ່ບາງເຂດ. ໝອກຄວັນບາງສ່ວນຈາກພາກເໜືອຂອງປະເທດໄທໄດ້ຖືກພັດຜ່ານທາງພາກເໜືອ ແລະ ພາກກາງຂອງ ສປປລາວ. ນອກຈາກນີ້ຍັງມີໝອກຄວັນຈາກເຂດພາກເໜືອ,ພາກໃຕ້ຂອງກຳປູເຈຍ ແລະ ພາກໃຕ້ຫຽດນາມໃນຈຸດດັ່ງກ່າວນີ້ອີງໃສ່ທິດທາງຂອງລົມແລ້ວຄາດວ່າໝອກຄວັນອາດພັດຜ່ານທາງພາກໃຕ້ຂອງລາວໃນມໍ່ໆນີ້
ສະເພາະ ສປປລາວມີຈຸດຄວາມຮ້ອນ (hotspot) ເກີດຂື້ນທັງໝົດ 164ຈຸດ ເກີດຂື້ນລາຍກວ່າໝູ່ແມ່ນທາງພາກໃຕ້ຂອງລາວ, ແຂວງຊຽງຂວາງ 24ຈຸດ ແລະ ແຂວງ ຫົວພັນ 22 ຈຸດ,
ສະຖານະການໝອກຄວັນໃນພາກພື້ນອາຊຽນ
ຮູບແຜ່ນທີຄວາມໜ້າແໜ້ນຂອງຈຸດເກີດຄວາມຮ້ອນ ການຄຳນວນຈຸດເກີດຄວາມຮ້ອນລາຍວັນໃນຂົງເຂດອາຊຽນ
ແຜ່ນທີ່ຈຸດເກີດຄວາມຮ້ອນໃນ ສປປລາວ
ລາຍງານສະພາບ ຜົນການວັດແທກຝຸ່ນລະອອງ PM 2.5 ປະຈໍາ ວັນທີ 24/01/2020 ຈາກຂໍ້ມູນສະຖານີວັດແທກຝຸ່ນລະອອງ PM 2.5 ຂອງສະຖາບັນ ຄົ້ນຄວ້າ ຊັບພະຍາກອນ ທໍາມະຊາດ ແລະ ສິ່ງແວດລ້ອມທີ່ ກົມອຸຕຸນິຍົມ ແລະ ອຸທົກກະສາດ, ນະຄອນຫລວງວຽງຈັນ ໄດ້ຊີ້ໃຫ້ເຫັນວ່າຄ່າຝຸ່ນລະອອງ PM 2.5, ໃນວັນທີ 23 ທີ່ຜ່ານມາຄ່າທີ່ໄດ້ ແມ່ນ ຕໍ່າກວ່າມາດຕະຖານສິ່ງແວດລ້ອມແຫ່ງຊາດ. ເຊິ່ງຄ່າທີ່ວັດແທກໄດ້ສະເລ່ຍແມ່ນ 33.9 µg/m3, ສໍາລັບໃນມື້ນີ້ເລີ້ມຕັ້ງແຕ່ 01:00 ໂມງເຊົ້າທີ່ຜ່ານມາ ຫາ 07:00 ໂມງເຊົ້າ ວັດແທກໄດ້ສະເລ່ຍແມ່ນ 32.1 µg/m3. ຄ່າສູງສຸດ ແມ່ນເວລາ 2:00ໂມງເຊົ້າແມ່ນ 39.9 µg/m3 ແລະ ຄ່າຕໍ່າສຸດແມ່ນເວລາ 5:00 ໂມງເຊົ້າແມ່ນ24.3 µg/m3. ການຈັດລະດັບຄຸນນະພາບອາກາດທີ່ມີຜົນກະທົບຕໍ່ສຸຂະພາບຕັ້ງແຕ່ເຊົ້າຂອງມື້ນີ້ສະເລ່ຍຖືວ່າຄຸນນະພາບອາກາດ ແມ່ນ ອາກາດ ດີຫຼາຍ.